Sa Cunfederatzione Sindacale Sarda e s’Assòtziu Consumadoris Sardigna-Onlus torrant a nàrrere sa contrariedade “respeto a sa possibilidade chi sos istabilimentos de sa Rwm bèngiant crèschidos” e afilant un’apellu a sa Comuna de Igrèsias e a sa Regione.
Lu faghent cun su segretàriu de sa CSS Giacomo Meloni e su presidente de s’ACS Marco Mameli pro a sas boghes de un’autorizatzione a banda de sa Comuna de Igrèsias a sa realizatzione de sos repartos R200 e R210 ogetu de protzedimentu Suap.
“Un’interventu chi at de crèschere finas a tres furriadas sa capatzidade de sos istabilimentos de aprontare bombas, comente riveladu dae s’amministradore Fabio Sgarzi in un’intervista de trìulas coladu”.
