“Est unu fatu chi retèngio grave e in su cale est netzessàriu pònnere atentu: como amus a fàghere totu sos passos netzessàrios pro crarire a su mègius e, si netzessàriu, pigare sos adeguados provedimentos”.
L’at naradu, in un’intervista a s’emitente locale Videolina, Rossana Sardu, dirigente iscolàstica de s’Istitutu professionale Emanuela Loi a Carbònia, in su Sulcis, ue giòbia carchi istudiante de una prima classe ant iscutu ogetos contra una mastra, a s’acabu de sa letzione.
Unu fatu in su cale sunt indaghende sos Carabineris de sa cumpangia de Carbònia chi ant acollidu sa denùntzia de sa dotzente eris a pagas oras de sa nova de un’istocada de unu pitzinnu de 15 annos in un’istitutu de Senobrì, in su Sud Sardigna.
