A Tàtari no est potàbile s’abba de is grifones de carchi zona de Latti Dozzi e de su tzentru istòricu: non podet èssere bìdida ni impreada pro aprontare alimentos, ma podet èssere impreada pro totu sos impreos igiènicos.
Sa proibitzione, cuntenta in un’ordinàntzia firmada dae su sìndigu Nicola Sanna, pertocat bia Massaia, bia Cadamosto, bia Magellano, bia Marco Polu, bia Amdusen, largu Macao, bia Macao, bia Santa Croce.
De sos controllos de su dipartimentu de Preventzione – servìtziu Igiene de sos alimentos e de sa Nutritzione de s’Ats Sardigna, est istupadu chi s’abba no est cunforme a su paràmetru de sos nitritos. Sunt torrados in sa norma, imbetzes, sos paràmetros in sos bighinados de Cappuccini, Monte Artu e Badde Pedrosa, ue oe s’abba torrat a èssere potàbile, mentras sa proibitzione restat a Rizzeddu-Pauli e bia Tola.
