S’Aereonàutica militare at fatu oe su trasportu apretosu de unu pipiu de un’annu in perìgulu de vida.
Unu Falcon 50 de su 31 ‘Stormo de Ciampino’ est decolladu subra recherta de sa Prefetura de Tàtari, arribada a sa ‘Sala Situatziones de Vertice’ de su Cumandu de s’Iscuadra Aèrea, chi at autorizadu sa missione. Sa Sala Situatziones de Vertice, est in costante cuntatu cun sas Prefeturas subra totu su territòriu natzionale pro dispònnere e gestire missiones de custu e àteru tipu pro sa colletividade. S’aeroplanu, lòmpidu a S’Alighera pro imbarcare su pipiu paris cun unu dutore, chi l’at assistidu in manera costante, est decolladu a inghìriu a sas 18 pro aterrare posca a Gènova a pustis de belle un’ora de bolu. Inoghe su minore est istadu carradu deretu a s’ispidale “Gaslini” pro retzire sas curas netzessàrias.
