Sa Regione Sardigna est pronta a decrarare s’istadu de apretu, pronta a una recherta de reconnoschimentu de s’istadu de calamidade naturale pro su trèulu mannu provocadu intre martis sero e eris de s’abba chi at corfidu mescamente su sud de s’ìsula.
Immoe su tempus malu s’est istesiende cara a su mare Tirrenu, ma sunt possìbiles trèulos in su setore tzentru-orientale. Su presidente Frantziscu Pigliaru est torrende a Casteddu a pustis de una sèrie àere bitu sas zonas prus corfidas e posca at a atobiare sa Giunta de sa regione a Villa Devotu pro sa delìbera in s’istadu de apretu.
Cun sos assessores a s’Ambiente Donatella Spano e a sos Traballos pùblicos Edoardo Balzarini, su presidente at bisitadu Murera, Bidda de Putzu, Santu ‘Idu e Castiadas, ue at adobiadu sos sìndigos, Marco Astores, Sandro Porcu, Marco Antonio Siddi e Eugenio Murgioni, pro fàghere su puntu in sos interventos de apretu
