Su Senadu at aprovadu custu merie s’emendamentu a sa Nota de agiornamentu de su Documentu de Economia e Finàntzia (NaDef), firmadu dae su vitze presidente de su grupu Lega-Psd’Az a Palatzu Madama, Christian Solinas, chi impinnat su Guvernu a prevìdere “cumpensatzione de sos isvantàgios istruturales permanentes de sa cunditzione de insularidade”.
“Custa borta s’introduit a pitzu de sa programmatzione econòmica de s’Istadu sa previsione de medidas pro sa cumpensatzione de sos isvantàgios chi derivant a sa Sardigna de sa cunditzione de insularidade”, ispiegat Solinas. “Custas cunsideratziones ant a dèpere oras èssere declinadas in sa lege de bilantzu pro dare cobertura finantziària a trastos comente a sa Zona franca, sa fiscalidade de avantàgiu e sa continuidade territoriale, chi rapresentant una batalla istòrica de su sardismu”.
