“Sunt duas leges anti fascistas”, gai Roberto Deriu, su vitze presidente de su grupu de su Pd in Cussìgiu regionale, at presentadu sas propostas de reforma eletorale illustradas oe in Casteddu.
Cun issu fintzas su moderadore de sa presidèntzia de su partidu Radicale Maurizio Turcu, e sos cussigeris regionales Piero Comandini (PD) e Raimondo Perra (Sotzialistas), chi cun Francesco Agus (campu progressista), Antonio Gaia e Pier Afranco Zanchetta (Upc) ant firmadu sas propostas de lege natzionale chi puntant a introduire su sistema uni-nominale siat pro sa Camera de sos deputados e de su Senadu chi pro s’eletzione de sos candidados italianos a su Parlamentu europeu.
“Apamus giai depositadu sas duas propostas – at naradu Deriu – chi sunt unu richiamu a su vatzinu democràticu chi caraterizat sa Costitutzione nostra. Sas listas blocadas ant caraterizadu sas eletziones de su perìodu Fascista”.
