Sa chistione de su trasferimentu de sos traballadores de Terranoa a Milanu-Malpensa at a èssere a su tzentru de un’incontru intre Regione Sardigna e Air Italy, cunvocadu pro chenàbura imbeniente, su 6 de su mese de trìulas, in Casteddu. Su presidente de sa Giunta, Francesco Pigliaru, e s’assessore de sos Trasportos Carlo Careddu ant a rivendicare su mantenimentu de sa governance de sa cumpangia aèrea in s’ìsula.
Oe a merie Pigliaru e Careddu nd’ant a faeddare fintzas cun su ministru de sos Trasportos e Infrastruturas Danilo Toninelli in un’adòbiu giai cunvocadu in pretzedèntzia in su problema de sa continuidade territoriale de sa Sardigna.
“Nois retengiamus chi Air Italy non potzat pensare de fàghere cussu chi creet e, comente apamus naradu finas de su cumintzu”, at sutaliniadu eris s’assessore. “Semus aconcados chi sa cumpangia depat sighire a mantènnere conca e coro in Sardigna”.
