S’Amministratzione Cumonale de Carbònia cheret favorire s’acumprimentu de ispetàculos a s’abertu organizados dae sos titulares de sos pùblicos esertzìtzios, castiende puru a sos arriscos pro more de s’incuinamentu acùsticu.
Pro custu motivu, su Sìndigu Paula Massidda at emìtidu un’ordinàntzia, segundu sa cale sos titulares de pùblicos esertzìtzios chi organizant in su perìodu de s’istade mùsica a s’abertu ant a dèpere respetare sos sighentes oràrios pro sas emissiones sonoras: dae sas oras 19 finas a sa una de su mangianu de sa die imbeniente.
S’ordinàntzia n. 262, publicada oe, lunis 2 de su mese de Trìulas, at a èssere in vigore de chenàbura 6 de su mese de Trìulas a domìniga 16 de su mese de Cabudanni 2018.
“Pro mèdiu de custu provedimentu amus a pòdere garantire su giustu echilìbriu tra sos bisòngios de sos gestores de pùblicos esertzìtzios chi organizant ispetàculos a s’abertu e sas rechertas de sos tzitadinos residentes in sas àreas interessadas, e puru chi bolent reposare in manera serena in sas oras noturnas”, at afirmadu su Sìndigu Paula Massidda.
