Sighint sos controllos in su Poeto de sa Comuna de Casteddu a banda de sa politzia Munitzipale, incumentzados dae metade de su mese de làmpadas e chi ant a sighire pro totu s’istajone de s’istade.
Durante sos controllos in sa marina sunt istadas cumpudadas sas autorizatziones a sa bèndida ambulante e medas sunt resurtados in règula; calicunu imbetzes est resurtadu no afortigados de autorizatzione e est istadu santzionadu e sa cosa est istada secuestrada.
In prus a su secuestru de sa mertze ant a dèpere pagare una santzione de 1.032 euro.
