Su chi serbit:
350 gr de pasta
300 gr de sartitzu
1 tassa de binu
sparau
1 chibudda
sale e ògiu
Aprontu:
Isciacuare su sparau e ghetare totu in abba buddia pro ddus fàghere ammoddiare. Segare sa conca e pònnere a parte, imbetze s’àtera parte dda faghimus a tancheddos.
Immoe tocat a sa chibudda fata a piticu e arrubiada in una pingiada. Agiunghere su sartitzu e lassare coghinare pro 10 minutos murighende totu. Si podet aunire una bella tassa de binu a bellu a bellu.
Ajò cun is concas de sparau: agiunghere totu e coghinare pro àteros 10 minutos a fogu bàsciu e in s’interis fuliare sa pasta in s’abba salia. Cando est cota a metade bogare dae sa pingiada e aunire a su sartitzu e a su sparau pro acabbare sa cotura.
