Su chi serbit:
400 grammos de arrosu venere
150 grammos de curcuriga
150 grammos de càmbara
Una chibudda
ògiu, sale.
Aprontu:
Pro incumentzare tocat a coghinare s’arrosu cun abba salia pro 15 minutos. In s’interis isciacuare sa curcuriga e segare a piticu in pares a sa chibudda.
In una pingiada callentare pagu pagu ògiu germanu in pares a un’orrugu de àgiu, pònende finas pagu pagu pìbiri: coghinare totu pro 5 minutos. Bogare s’orrugheddu de àgiu.
Fàghere sartare sa càmbara in una pingiada pro calicunu minutos e pònnere su sùciu de su limone. Comente sa càmbara incumentzat a tènnere un’entina bella firmare sa cotura e fàghere pasare totu.
Pigare s’arrosu cando est cotu pro ddu pònnere in una tiana: aunire sa curcuriga e murigare: immoe tocat a sa càmbara, sighende a murigare.
