Su chi serbit:
Malloreddus
1,2 chilos de mùsculu
4 de purpu piticu
600 grammos de fasolu
150 grammos de tomata
Chibudda, àgiu, pedrusèmene
Pìbiri, sale
Aprontu:
In antis de totu tocat a fàghere arrubiare unu pagu de àgiu, chibudda e pedrusèmene in una pingiada cun unu pagu de ògiu. Agiunghere totu su purpu, segadu a piticu, e lassare pro unu minutu a coghinare e a pustis pònnere in deretura sa tomata: 5 minutos de cotura màssimu.
Immoe aunire su fasolu, agiunghere sale e pìbiri e còere galu pro àteros 2-3 minutos. Abèrrere su mùsculu in un’àtera pingiada in fogu bellu artu. A pustis, aunire totu in pares a s’abba de su mùsculu in sa pingiada de sa bagna, acabbende sa cotura.
In s’interis coghinare is malloreddus, e agiunghere sa bagna aprontada.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
