Su chi serbit:
200 gr de tròfias
150 gr de sùmene
150 gr de castàngia
3 fogias de sàlvia
mesa tassa de abbardente
80 gr de butirru
80 gr de casu trisinadu
Aprontu:
In una pingiada bàscia pònnere metade de su butirru, su sùmene segadu a tancheddos, in paris cun fogias de sàlvia e sa castàngia. Chi sa castàngia est frisca tocat però a dda buddire pro bogare su corgiolu.
Fàghere coghinare finas a cando su sùmene est bellu che ruju. Immoe tocat a s’abbardente: pònnere totu in sa pingiada, ma abbistos: s’abbardente faghet sa pampa.
In s’interi pònnere in un’àtera pingiada sa pasta. Cando est acanta de èssere cota, ghetare totu in sa pingiada cun su sùmene, aunire s’àtera metade de su butirru e pònnere unu pagu de casu trisinadu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
