Semus arribados a su annu nùmeru 31 de sa ‘Caminada pro sa paghe’ a Otieri, pro s’agiudu a is emigrantes e is istràngios. Su faeddu de riferimentu ocannu at a èssere: ‘agiudare, proteghere, promovere e integrare’.
“Custa borta non faeddamus de temas istòricos” at naradu su presidente de sa Cunferentzia episcopale de sa Sardigna monsignore Arrigo Miglio. “Su papa Frantziscu puru nos at naradu comente fàghere, nos at donadu nùmenes de òmines e fèminas chi chircant sa paghe”.
E segundu Miglio “nde tenimus innoe finas in Sardigna: faghimus calicuna cosa, ddus depimus castiare in sa cara”. Sa manifestatzione at a èssere su 16 de su Mese de Idas in pratza Santu Leonardo.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
