Su ‘Miràculu de Nadale’, sa manifestatzione de solidariedade aparitzada de Gennaro Longobardi, ocannu at a èssere in Ceraxius puru. Su logu seberadu est in piatza Maria Vergine Assunta. Est sa prima borta chi sa bidda partètzipat.
Su sìndigu Gigi Concu at pedidu a sa gente de Ceraxius unu momentu de solidariedade. “Seu seguru ca Ceraxius at a dimustrare de tènnere unu coro partetzipende a custa manifestatzione. Nos puru depimus fàghere su miràculu nostru: chircare de donare calicuna die de serenidade a chi est prus isfortunadu de nos”.
Su ‘miràculu de Nadale’ at a èssere su 18 de su mese de Idas. Chi bolet, podet donare cosa de papare (cosas comente pasta, tzùcuru, cafè), finas giocàtolos pro pipios e totu sa cosa at a èssere donada a sa Caritas pro is ceraxinos in dificultade.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
