Novas bonas arribant dae su mercadu de su traballu pro sa Sardigna. S’istitutu de istatìstica Istat at tzertificadu megioros in su tassu de ocupatzione (chi est torradu a artziare a su 51%) e finas a cussu de disocupatzione, chi est caladu a 15%, su nùmeru prus bàsciu dae su 2012.
In Sud Itàlia paret ca est andende meda peus, difatis s’ìsula s’est istacada e cunfirmat megioros acarados de is datos Inps, essidos in custas dies. Àteros istùdios, fatos a pitzu de s’ocupatzione, narant ca is traballadores sunt ismanniados finas a 13000 in prus, cun una variatzione de gasi 3%.
Virginia Mura, assessora a su Traballu, at naradu ca sa Regione bolet agiunghere una relatzione prus aprofundida pro fàghere un’istùdiu in pares a is assòtzios de categoria.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
