In Sardigna si bivet prus bene in sa provìntzia de Nùgoro, sighida in deretura de s’Ogiastra. Ddu narat un’istùdiu fatu pro cumprendere sa calidade de sa vida de is italianos.
Segundu sa classìfica Nùgoro est a su 47° postu su 110 provìntzias italianas, s’Ogiastra 48°. Duncas semus feti a metade elencu! E is àteras? Male meda: tocat a calare finas a su 79° postu pro agatare Tàtari, Aristanis (91°) Casteddu (94°).
Ma su datu prus importante, su prus chi donant pesamentu est sa zona de su Sulcis e Biddacidru: 99° e 109°, agiomai pro èssere s’ùrtima provìntzia pro calidade de sa vida.
Ci chircamus de bìere is datos, paret ca sa Sardigna est partzida in tres àreas:
Una manna, chi est Nùgoro, Ogiastra, Terranoa, in nue est sa calidade prus arta
Un’àtera in nue sa calidade pigat sufitzièntzia (Tàtari)
Un’àtera in nue mancu b’est sa sufitzièntzia (Aristanis, Sulcis, sa zona de si Campidanu, Casteddu)
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
