“Tengu sa bingia, 75 filas chi fainti unu ettaru. Totus traballaus in armonia cun sa natura e sene produtus chimigus. Adotendi una fila cun 100 euros chini da adòtada poidi ibeni a da traballai e a da sìghiri. Su produtu a sa fini est su suu”.
Luisu Zucca, nasciu in su 1964, giai emigrau e moi e addettu a sa massaritzia de su Guvernu Provisoriu de sa Sardigna, tempu faidi adi ocupau is bingias di cussa chi est stetia sa Cantina Sociali de marrubiu, imoi abandonada, e adi obligau d'aministratzioni a dus donai a chini dus bolìanta preguntai, poita chi fianta postus in su terrenu a impiegu civigu. Di aici est arrennesciu a salvai 10 ettarus de bingias de 28 chi fianta.
Cumenti est nascia s'idea?
“De sa constatatzioni – si nàrada Zucca – candu chi femu passillendi in su sartu, de sa presentzia de meda bingias abandonadas. Preguntendi apu scobertu chi funti de gentiu chi adi lassau po su traballu o pointa ca si funti movius po du cicai su traballu. Poita nun si dèpidi donai a sa genti chi dus pràxidi a curai sa bingia, sa possibilitadi de du fai, puru si bìvinti atesu o nun tèninti unu terrenu?”.
Donia fila pòtada unu cartellinu cun nomini e sangunau de chini d'adi adotau e chi pòidi intrai candu chi òlidi in sa bingia.
Chini est interessau pòidi ùscrìri a Luisi a sa mail zuccaluigi@ymail.com.
Traduzione: Cesare Giombetti
