Usa e Turchia a scòla de cuxina sarda de su chef Stefano Deidda. sa Ghìa Michelin 2013 su signàlara cumenti unu chi podi essi chi ad' a pigai su steddu in su 2014. Su chef de "Dal Corsaro", ristoranti casteddaiu acanta a su portu, si è postu a imparài a cussus italianus, amerigànus e turcus chi bointi fai is cuxineris is segretus de sa cuxina de s'isula. Custa formatziòni professionali est po 15 studentis sceti chi bointi provai a cumprendiri is segretus de is ritzetas e de is pratus acapiàus a sa traditzioni de cuxina sarda, ma potaus a is tempus de oi.
Funti amerigànus de su Icc, International Culinary Center de New York, e is turcus de sa Msa – Culinary Arts Academy de Istanbul. Seus chistionendi de duas de is istitutzionis prus connottas e importantis in is arrispetivas natzionis in su campu de sa formatzioni professionali po s'enogastronomìa.
"In sa prima pati de sa letzioni appu chistionau de is cosas tìpigas de sa Sardigna – si nàrara Stefano Deidda – patendi de is differentis tipus de casu, de su Cas' 'e prebei Sardu Dop, passendi a is birdùras, sa Canciofa Spinosa Dop, e arribendi a sa petza. Seus chistionendi de unu joint program chi Alma, su prus importanti centru de formatzioni de sa cuxina italiana in su mundu, ghiàu de su rettori Gualtiero Marchesi, adi fatu patìri cun su ICC – The International Culinary Center de New York e cun sa MSA – Culinary Arts Academy de Istanbul".
